Եմենում հրմշտոցների հետևանքով մոտ 80 մարդ է մահացել․ կան տասնյակ տուժածներ
Առնվազն 78 մարդ զոհվել և տասնյակ մարդիկ վիրավորվել են Եմենի Սանայում չորեքշաբթի ուշ երեկոյան օգնություն տրամադրելու միջոցառման ժամանակ տեղի ունեցած հրմշտոցի հետևանքով, հայտնում է Associated Press-ը՝ հղում անելով հուսիթների պաշտոնական ներկայացուցչին։
Տասնյակ տուժածներ տեղափոխվել են մոտակա հիվանդանոցներ։ Նրանցից առնվազն 13-ը լուրջ վնասվածքներ են ստացել, ասել է առողջապահության բարձրաստիճան պաշտոնյա Մոթահեր ալ-Մարունին։
Հուսիթների կողմից ղեկավարվող ՆԳՆ տվյալներով՝ հրմշտոցը սկսվել է հին Սանայ քաղաքում, երբ հարյուրավոր մարդիկ հավաքվել էին ձեռնարկատերերի կողմից կազմակերպված միջոցառմանը:
ՆԳՆ-ից հայտնել են, որ բերման են ենթարկել երկու կազմակերպիչների։ Ներկայումս կատարվում է հետաքննություն։
