Ծծմբաթթու տեղափոխող գնացքը դուրս է եկել ռելսերից. ԱՄՆ
ԱՄՆ Իլինոյս նահանգում ծծմբաթթու տեղափոխող գնացքը դուրս է եկել ռելսերից: Այս մասին գրում են լրատվամիջոցները` հղում անելով The Edwardsville Intelligencer-ին։
Նշվում է, որ միջադեպը տեղի է ունեցել ապրիլի 17-ին, Վուդ Ռիվեր գյուղի մոտ։ Երեք վագոն-ցիստերն դուրս է եկել ռելսերից, ծծմբաթթվի արտահոսք չի եղել: Միջադեպի հետևանքով տուժածներ չկան, վթարի պատճառները դեռ պարզված չեն։
Հրապարակումը հիշեցրել է, որ սա առաջին նման դեպքը չէ տվյալ տարածաշրջանում։ 2021 թվականին Վուդ Ռիվերում երկաթուղային վթարի հետևանքով ծծմբաթթվի չորս ցիստեռն էր շրջվել, վտանգավոր նյութի արտահոսքի հետևանքները վերացվել էին մի քանի օրվա ընթացքում։
ԱՄՆ-ում բեռնատար գնացքի մասնակցությամբ վերջին խոշոր վթարը տեղի է ունեցել Օհայոյում փետրվարի 3-ին: Վտանգավոր նյութեր տեղափոխող մի քանի տասնյակ վագոններ գծերից դուրս էին եկել Արևելյան Պաղեստին քաղաքի մոտ։
