Իրանը հակասուզանավային ԱԹՍ է մշակել
Իրանի ռազմածովային ուժերը մշակել են անօդաչու թռչող սարք (ԱԹՍ), որը կարող է հայտնաբերել և ոչնչացնել թշնամու սուզանավերն ու նավերը, երեքշաբթի Tasnim-ին ասել է ռազմածովային ուժերի հրամանատար, փոխծովակալ Շահրամ Իրանին։
«Մենք օգտագործում ենք սոնարներ և այլ սարքավորումներ անօդաչու սարքերի վրա՝ սուզանավերը հայտնաբերելու համար»,- ասել է նա։
Նա հավելել է, որ այդ անօդաչու թռչող սարքերն արդեն շահագործվում են, միևնույն ժամանակ նա այդ զինատեսակների տեխնիկական մանրամասները չի հայտնել։
Tasnim-ը հիշեցնում է, որ 2022 թվականի նոյեմբերին Իրանի Իսլամական Հանրապետության ղեկավար այաթոլլա Ալի Խամենեին ռազմածովային ուժերի հրամանատարների հետ հանդիպման ժամանակ նրանց հայտնել է միջազգային ջրերում իրանական նավերի ներկայությունը պահպանելու անհրաժեշտության, իրենց մարտական հնարավորությունները զարգացնելու, ինչպես նաև հեռավոր շրջաններում գործունեությունը շարունակելու մասին:
Երեքշաբթի Իրանում բանակի օրվան նվիրված շքերթի ժամանակ, մասնավորապես, ցուցադրել են երկրում մշակված բազմաթիվ անօդաչու սարքեր։ Դրանցից նրանք ցուցադրել են Mohajer-6 անօդաչու թռչող սարքը, որն ունակ է կրել կառավարվող ավիառումբեր և ժամանակակից հետախուզական սարքավորումներ։ Նաև ցուցադրվել է իրանական առաջին լայն թափով մարտական անօդաչու թռչող սարքը՝ Kaman-22-ը, որի թռիչքի հեռահարությունը կազմում է մոտ 3000 կմ։
