Հրդեհ` Պեկինի հիվանդանոցում. կան զոհեր և վիրավորներ

Պեկինի հիվանդանոցներից մեկում բռնկված հրդեհի հետևանքով առնվազն 21 մարդ է զոհվել, վիրավորների թիվը հասնում է տասնյակի, հայտնում է Beijing Daily-ն։

Միջադեպը տեղի է ունեցել ապրիլի 18-ին` ժամը 13-ի սահմաններում, քաղաքի կենտրոնից հարավ-արևմուտք գտնվող Ֆենթայ շրջանում։  Հրդեհը, ըստ նախնական տվյալների, բռնկվել է շենքի յոթերորդ կամ ութերորդ հարկերում, սուր ծուխն ակնթարթորեն լցվել է միջանցքները՝ կտրելով հիվանդների և անձնակազմի ճանապարհը։

Դեպքի վայրից նկարահանված կադրերը ցույց են տալիս, որ մարդիկ փորձել են փախչել պատուհաններից, սակայն ընկել են մեծ բարձրությունից։

Հրդեհը մարելու համար հրշեջներից պահանջվել է մոտ կես ժամ։  Տարածքը զննելու ժամանակ հայտնաբերվել է 21 մարդու դի, բոլորն էլ, ենթադրաբար, թունավորված են եղել այրման արտադրանքից։

Ավելի քան 70 հիվանդ դուրս է բերվել շենքից և տեղավորվել հաստատության հարակից թևում։

Տեղի ունեցածի պատճառները դեռ պարզվում են։