Դանիայի դեսպանը կանչվել է Թուրքիայի ԱԳՆ

Թուրքիայի ԱԳՆ-ն ուրբաթ կանչել է Անկարայում Դանիայի դեսպանին՝ կապված այդ սկանդինավյան երկրում Ղուրանի ու Թուրքիայի դրոշի վրա «հարձակման» հետ, գրում է ТАСС-ը։
 

«Մենք դատապարտում ենք Դանիայում այսօր (ապրիլի 14-ին) Սուրբ Ղուրանի և մեր փառահեղ դրոշի վրա նողկալի հարձակումը: Անընդունելի է, որ այս նողկալի հարձակումները թույլ են տալիս խոսքի ազատության քողի տակ: Այս հարցում մեր դիրքորոշումը փոխանցվել է Անկարայում Դանիայի դեսպանին, ով կանչվել է նախարարություն»,- նշվում է Թուրքիայի ԱԳՆ հաղորդագրության մեջ։
 

Հունվարի 21-ին աջ ծայրահեղական «Դժվար կուրս» կուսակցության առաջնորդ Ռասմուս Փալուդանը նույնպես Ղուրանի հրապարակային այրում է անցկացրել Ստոկհոլմում Թուրքիայի դեսպանատան դիմաց։ Նա իր ելույթում քննադատել է ՆԱՏՕ-ին, Թուրքիային և նախագահ Ռեջեփ Թայիփ Էրդողանին, ցուցադրել է նաև Մուհամեդ մարգարեի ծաղրանկարը։