Մահացել է մինի կիսաշրջազգեստներ ստեղծող Մերի Քվանտը
93 տարեկանում մահացել է բրիտանացի դիզայներ, հագուստի մոդելավորող Մերի Քվանտը։ Այս մասին BBC-ին հայտնել է նրա ընտանիքը։ «Մերի Քվանտը խաղաղությամբ մահացել է այսօր առավոտյան՝ Սուրեյում (Անգլիա) իր տանը», - լրագրողներին ասել են հարազատները:
Քվանտին է վերագրվում մինի կիսաշրջազգեստների հանրահռչակումը: Նա կարճացրել է կիսաշրջազգեստը և1962 թվականին ստեղծել կարճ կիսաշրջազգեստներով հավաքածուն:
Նրա ընտանիքը նշել է, որ նա «20-րդ դարի միջազգայնորեն ճանաչված մոդելավորողներից մեկն է և ականավոր նորարար»:
Մերի Քվանտի շնորհիվ նորաձևության մեջ մտնում են մարմինը պիրկ գրկող բազմագույն տաբատները, զամշե հագուստը, բարձր պլատֆորմով կոշիկները, հասարակ կարճ սանրվածքները և վառ դիմահարդարումը:
