![Հնդկական ռազմաբազայում կրակոցների հետևանքով զոհվել է չորս զինվոր․ կրակողներն ազատության մեջ են](https://auroranews.am/storage/img/base_image/old/5af86d5fb8abc2c9e46d103ffbe69ea3.webp)
Հնդկական ռազմաբազայում կրակոցների հետևանքով զոհվել է չորս զինվոր․ կրակողներն ազատության մեջ են
![Հնդկական ռազմաբազայում կրակոցների հետևանքով զոհվել է չորս զինվոր․ կրակողներն ազատության մեջ են](https://auroranews.am/storage/img/base_image/old/5af86d5fb8abc2c9e46d103ffbe69ea3.webp)
Հնդկաստանի Փունջաբի նահանգի ռազմակայաններից մեկում հրաձգություն է տեղի ունեցել, որի հետևանքով 4 զինվորական է զոհվել: Տարածքը շղթայվել է, կատարվում են որոնողական աշխատանքներ, փոխանցում է Aljazeera-ն։
«Հրաձգության միջադեպը տեղի է ունեցել այսօր վաղ առավոտյան ժամը 04:35-ին՝ Բաթինդա ռազմակայանի ներսում: Ակտիվացվել են կայանի արագ արձագանքման թիմերը», - հայտնել է Հնդկաստանի բանակի հարավ-արևմտյան հրամանատարությունը:
Հաղորդագրությունում նշվում է, որ որոնողական աշխատանքներն ընթացքի մեջ են:
Հաղորդվում է նաև, որ երկու օր առաջ անհետացել է մեկ Insas հրացան և զինամթերք: Դեպքը տեղի է ունեցել սպաների համար առանձնացված հանգստի սենյակում:
Ռազմակայան տանող բոլոր չորս դարպասներն արգելափակվել են: Զինվորականները դեռ ոստիկանությանը չեն թույլատրել մտնել ռազմակայանի տարածք: