Սոթքի հանքավայրի աշխատանքը դադարեցվել է. աշխատակիցներին էվակուացրել են
Թշնամին սկսել է կրակել նաեւ սահմանի այլ հատվածներում: Մասնավորապես` կրակում են Վարդենիսի հատվածում: Սոթք հանքավայրի աղբյուրը նշում է, որ հանքավայրում աշխատանքները դադարեցված են եւ աշխատողներին էվակուացրել են տարածքից: Այս մասին գրում է «Հրապարակ»-ը:
Գեոպրոմայնինգ ընկերությունից հաստատել են լրատվականի տեղեկությունները, ասելով.
«Ժամը 17:15-ի սահմաններում սկսել են կրակել: Ընկերությունը դադարեցրել է Սոթքի հանքավայրի աշխատանքը եւ էվակուացրել է աշխատակիցներին` նրանց անվտանգության ապահովման նկատառումներից ելնելով»:
Հիշեցնենք` ՀՀ ՊՆ-ն հայտարարություն էր տարածել և նշել.
«Ադրբեջանի ԶՈՒ-ն շարունակում է սադրանքը: Այս մասին հաղորդագրություն է տարածել ՀՀ ՊՆ-ն: Ժամը 17:30-ի սահմաններում նույն ուղղությամբ Ադրբեջանի ԶՈՒ ստորաբաժանումները կիրառել են ականանետային միջոցներ: ԶՈՒ ստորաբաժանումները ձեռնարկում են անհրաժեշտ պաշտպանական միջոցներ: Պաշտպանության նախարարությունը հանդես կգա լրացուցիչ հաղորդագրությամբ»:
