«Ականատես կլինենք Հայաստանի փլուզմանը». սադրիչ ռեպորտաժ` Ադրբեջանից
Ադրբեջանի պետական հեռուստաալիքը սպառնալիքներ է հնչեցնում Հայաստանի հասցեին: Ադրբեջանի պետական հեռուստաալիքով նրանք բացահայտ հայտարարում են Հայաստանի վրա առաջիկա հարձակման մասին՝ նրա տարածքը գրավելու նպատակով։ Այս մասին գրում է Infoteka24-ը: Այսպես, եթերի ժամանակ AzTV-ի հաղորդավարն ասել է.
«Մենք ականատես կլինենք Հայաստանի փլուզմանը. առաջիկայում ականատես կլինենք «Զանգեզուրի միջանցք»-ի իրականացմանը, քանի որ քաղաքականությունից բացի այստեղ արդիական են նաև նախագահ Ալիևի խոսքերը՝ «եթե չուզեն, ուժով կբացենք»։
Հիշեցնենք, որ Ադրբեջանում այսպես կոչված «Զանգեզուրի միջանցքը» պետք է անցնի Հայաստանի տարածքով և կոչված է կոտրելու իրանա-հայկական պատմական սահմանը։ Իրանն իր հերթին բազմից հայտարարել է, որ չի ընդունի տարածաշրջանում սահմանների խախտումները։
