ՏԵՍԱՆՅՈՒԹ. Երևանյան լճի տարածքում սոճուտներ, անտառային զանգված և քարապարտեզներ կհիմնվեն
Մեկնարկել է Երևանի քաղաքապետարանի հերթական գործակարգավարական խորհրդակցությունը։
«Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը ներկայացրեց, որ արդեն ավարտվել են Երևանյան լճի հարակից տարածքի մաքրման աշխատանքները․ «Սանիտարական էտի և չորացած ծառերի հատման աշխատանքները ավարտվել են։ Շուրջ 40 բեռնատար նյութ է դուրս բերվել այդտեղից։ Կատարվել է քարտեզագրում, այս պահին այդ տարածքները ճարտարապետների կողմից նախագծման փուլում են»,- նշել է Բեգոյանը։
Ըստ «Կանաչապատում և շրջակա միջավայրի պահպանություն» ՀՈԱԿ-ի տնօրենի՝ հիմնականում նախատեսվում է սոճուտների, թեթև անտառային զանգվածի և քարապարտեզների հիմնում։
Տիգրան Ավինյանի հարցին, թե երբ պատրաստ կլինի նախագիծը, Արմեն Բեգոյանը հավելել է, որ երկու շաբաթից այն պատրաստ կլինի:
