Ամերիկյան փաստաթղթերի արտահոսքը չի ազդի Ուկրաինայի մատակարարումների վրա․ Սպիտակ տուն
Ամերիկյան փաստաթղթերի արտահոսքը չի ազդի Կիևին մատակարարումների Վաշինգտոնի պլանների վրա, ասել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։ Այս մասին գրում է RT-ն։
«Ինչ վերաբերում է ձեր հարցին, թե արդյոք այս արտահոսքը ազդե՞լ է Ուկրաինային օգնություն տրամադրելու մեր ծրագրերի վրա, պատասխանը բացասական է։ Այն կշարունակվի այնքան ժամանակ, որքան անհրաժեշտ կլինի»,- ասել է նա ճեպազրույցում։
Կրեմլն ավելի վաղ հայտնել էր, որ Պենտագոնից գաղտնի փաստաթղթերի արտահոսքը բավականին հետաքրքիր է, դրանք բոլորն ուսումնասիրվում և վերլուծվում են։
Ինչպես հայտնի է դարձել, ԱՄՆ պաշտպանության նախարարությունը հետաքննում է սոցցանցում գաղտնի նյութերի արտահոսքը, որը նկարագրում է Ուկրաինայի զինված ուժերի վիճակը և ուկրաինական բանակն ուժեղացնելու ԱՄՆ-ի ու Հյուսիսատլանտյան դաշինքի ծրագրերը։ Զելենսկու գրասենյակը արտահոսքը անվանել է ֆոտոշոփ:
