Կոլորադոյում ոստիկանությունը ձերբակալել է տրանսգենդերի, ով հրաձգություն էր ծրագրում դպրոցում
Ոստիկանությունը ձերբակալել է տրանսգենդեր Ուիլյամ Ուիթֆորթին կամ Լիլիին, ինչպես ինքն իրեն անվանում է։Վերջինս ծրագրում էր կրակ բացել Կոլորադոյի դպրոցներից մեկում, գրում է РИА Новости-ն։
Նշվում է, որ ձերբակալված անձի տանը հայտնաբերվել են 3D տպիչի վրա հավաքված զենքի դետալները, պայթուցիկ պատրաստելու հրահանգները և Կորադո-Սփրինգսի դպրոցի ձեռագիր հատակագիծը, որտեղ պետք է տեղի ունենար ողբերգությունը։
Ուիլյամ Ուիթֆորթը հայտարարել է, որ հանցագործությունը կատարելուց առաջ գտնվելիս է եղել նախապատրաստական փուլում։ Հարցին, թե ինչու է նախատեսում հարձակվել ուսումնական հաստատության վրա, անձն այդպես էլ չի պատասխանել։
Օրեր առաջ ամերիկյան Նեշվիլում տրանսգենդեր կինը կրակ էր բացել քրիստոնեական դպրոցում, ինչի հետևանքով զոհեր և վիրավորներ կային։ Լրատվամիջոցը հիշեցնում է, որ այդ ժամանակ ամերիկյան CBS News-ը արգելեց գործակալության աշխատակիցներին օգտագործել «տրանսգենդեր» բառը քաղաքում տեղի ունեցած հրաձգության մասին ռեպորտաժներում:
Նեշվիլի ոստիկանությունը հայտնել է, որ Օդրի Հեյլին իր առնչությամբ բազմիցս օգտագործել է արական դերանուններ և իրեն անվանել Էյդեն։
Իրավապահների կարծիքով՝ Հեյլիի տրանսգենդերությունը կարող է կապված լինել դպրոցում տեղի ունեցած ջարդի շարժառիթների հետ։
