ՏԵՍԱՆՅՈՒԹ․ Պարեկային ոստիկանությունն առաջիկայում կհամալրվի միայն կանանցով․ Փաշինյան
ՀՀ վարչապետ Նիկոլ Փաշինյանը տեղեկացրել է, որ թևակոխել են պարեկային ոստիկանության ներդրման վերջին փուլը։
Ըստ նրա՝ առաջիկա օրերին կսկսվեն դասընթացներ Արմավիրի, Արարատի, Վայոց ձորի և Սյունիքի մարզերում պարեկային ոստիկանության ներդրման համար։
Փաշինյանի խոսքով, ի սկզբանե խնդիր էր դրված պարեկային ոստիկանությունում ներգրավված անձնակազմի առնվազն 30%-ն ապահովել կանանցով. «Այս պահին այդ խնդիրը լուծված չէ, բայց մենք չենք հուսահատվելու և չենք շեղվելու այդ օրակարգից, և առաջիկա օրերին ՆԳ նախարարությունը կհայտարարի նոր ընդունելություն պարեկային ոստիկանությունում՝ միայն կանանց համար։ Սա նշանակում է, որ առաջիկայում մենք պլանավորում ենք պարեկային ոստիկանությունում առաջացող թափուր հաստիքները լրացնել միայն ու միայն կանանցով»։
