Նախիջևանում զորավարժություններ են անցկացվել

Նախիջևանի առանձին համազորային բանակի 2023 ուսումնական տարվա պատրաստության պլանի համաձայն՝ հրամանատարաշտաբային վարժանքներ են անցկացվել կազմավորումների և ստորաբաժանումների հետ միասին, գրում են ադրբեջանական լրատվամիջոցները։ 

Զորավարժությունների ընթացքում հակաօդային պաշտպանության ստորաբաժանումները գործողություններ են մշակել պայմանական հակառակորդի ինքնաթիռների հայտնաբերման և հետախուզման ուղղությամբ։ Վարժանքների սցենարով մարտավարական գործողությունների գործնական իրականացման փուլում հատուկ նշանակության ջոկատները գրոհել են հակառակորդի պաշտպանության առաջնագծում տեղակայված մարտական ​​դիրքերը և կարևոր օբյեկտները։

Նշենք, որ օրերս Ադրբեջանի Մեջլիսի պատգամավոր Սիյավուշ Նովրուզովը հայտարարել էր, որ Իրանը զորքեր է կուտակել Նախիջևանի հետ սահմանին։

[daa35930f82761aec8dc453b07d71dbe.jpg]

[cdc9311af57cb60ffa24942d992fc815.jpg]

[243229895a4b26f2cbaca382f55aa5cb.jpg]

[9b752048209682e05c26053dbf8b6e26.jpg]