Գազայից դեպի Իսրայել 9 հրթիռ է արձակվել. Իսրայելը ավիահարվածներով պատասխանել է
Իսրայելի ռազմաօդային ուժերը հարվածներ են հասցրել Գազայի հատվածին: Հարվածներն ուղղված են եղել պաղեստինյան ՀԱՄԱՍ շարժման ուսումնական ճամբարներին։ Այս մասին հայտնում է Reuters-ը՝ վկայակոչելով ականատեսներին։
«Իսրայելական ինքնաթիռները վաղ առավոտյան գրոհել են Գազայի հատվածը։ Իսրայելը հարվածել է երկու ուսումնական ճամբարի՝ մեկը Գազա քաղաքում, մյուսը՝ փախստականների ճամբարում», - գրում է Reuters-ը՝ հղում անելով «Ռադիո ՀԱՄԱՍ»-ին:
Հարվածի հետևանքով զոհերի կամ վիրավորների մասին տեղեկություններ չկան:
Նշվում է, որ հրթիռակոծությունը տեղի է ունեցել այն բանից հետո, երբ Գազայի հատվածից Իսրայելի ուղղությամբ 9 հրթիռ է արձակվել. դրանցից մեկը հարվածել է Սդերոտ քաղաքի արդյունաբերական գոտում գտնվող գործարանին:
