«Դրան ցավոք մասնակցում են, որոշ մեր դաշնակիցներ՝ Հայաստանի նման». Կոսաչևը` «Ժողովրդավարության գագաթնաժողովի» մասին
Ռուսաստանի Դաշնային խորհրդի փոխխոսնակ Կոնստանտին Կոսաչևը ափսոսանք է հայտնել ԱՄՆ-ի երկրորդ «Ժողովրդավարության գագաթնաժողովին» Ռուսաստանի որոշ դաշնակիցների, մասնավորապես՝ Հայաստանի մասնակցության կապակցությամբ։ Տեղեկատվությունը փոխանցում է ՏԱՍՍ-ը:
«Եթե չեմ սխալվում՝ դրան մասնակցում են մոտ 120 երկրներ, այդ թվում, ցավոք, որոշ մեր դաշնակիցներ՝ Հայաստանի նման։ Ես այդ մասին ափսոսանքով եմ ասում», - հայտարարել է Կոսաչևը։
Միաժամանակ նա նշել է, որ «ի պատիվ հայերի, նրանք վերապահումով են միացել նիստի ավարտին ընդունված Հռչակագրին, որը պահանջում է Ռուսաստանից «անհապաղ, ամբողջությամբ և անվերապահորեն դուրս բերել բոլոր ռազմական ուժերը Ուկրաինայից և դադարեցնել ռազմական գործողությունները»։
«Երեք երկրներ՝ Հայաստանը, Մեքսիկան, Հնդկաստանը ձեռնպահ են մնացել այդ կետից», - ասել է Կոսաչևը։
