ՌԴ-ն Կուրիլյան կղզիներում հրթիռային Bastion համակարգերի ստորաբաժանում է տեղակայել

 Ռուսական ափամերձ հրթիռային Bastion համակարգերի ստորաբաժանումը տեղակայվել է Խաղաղ օվկիանոսի հյուսիսային՝ Կուրիլյան կղզիներից մեկում՝ Պարամուշիրում, հայտնում է Reuters-ը։ 

ՌԴ պաշտպանության նախարար Սերգեյ Շոյգուի խոսքով՝ սա ևս մեկ քայլ է երկրի Հեռավորարևելյան շրջաններում պաշտպանությունն ուժեղացնելու համար։ 
Շոյգուն ասել է, որ Bastion համակարգը կամրապնդի Ռուսաստանի անվտանգությունը Կուրիլյան կղզիների շղթայի շուրջ:

ՌԴ նախարան այսօր նաև հավաստիացրել է, որ Մոսկվայի հակաօդային պաշտպանության (ՀՕՊ) համակարգի արդիականացումը կավարտվի այս տարվա ընթացքում: Այդ մասին նա ասել է պաշտպանական գերատեսչության խորհրդի նիստում:

«Մեզ համար առաջնահերթություն է օդային և տիեզերական ուժերի զարգացումը, նոր համակարգեր բանակին փոխանցելը: Այս տարում մենք ամբողջությամբ կավարտենք Մոսկվայի հակաօդային պաշտպանության համակարգի արդիականացումը», - հավաստիացրել է Շոյգուն:

Նա հայտնել է, որ ուկրաինական հակամարտության ընթացքում ռուսական ռազմատիեզերական ուժերը ոչնչացրել են ավելի քան 20 հազար ուկրաինական ռազմական թիրախներ: