Իրանն Ադրբեջանին առաջարկ է ներկայացրել դեսպանատանը տեղի ունեցած ահաբեկչության վերաբերյալ
Իրանը Ադրբեջանին առաջարկել է փորձագետների խմբեր ուղարկել Թեհրան և Բաքու՝ արագացնելու այս տարվա հունվարի 27-ին Թեհրանում Ադրբեջանի դեսպանատան վրա տեղի ունեցած ահաբեկչության հետաքննության ավարտը, որի ժամանակ դիվանագիտական առաքելության անվտանգության ծառայության ղեկավարը զոհվել է, ևս երկու աշխատակից վիրավորվել։ Տեղեկատվությունը փոխանցում են ադրբեջանական լրատվամիջոցները:
Համապատասխան առաջարկը Բաքվում հնչեցրել է տնտեսական դիվանագիտության հարցերով Իրանի փոխարտգործնախարար Մահդի Սաֆարին՝ Ադրբեջանի արտգործնախարար Ջեյհուն Բայրամովի հետ հանդիպմանը:
Նշվում է, որ հանդիպման ընթացքում Սաֆարին «գործի վերջին զարգացումների վերաբերյալ զեկույց է ներկայացրել» և «խնդրել է Ադրբեջանի իշխանություններին երկու երկրներից համապատասխան փորձագետների թիմեր ուղարկել Թեհրան և Բաքու»՝ արագացնելու գործընթացի ավարտը։
