ՌԴ ԱԳՆ-ն մանրամասներ է հայտնում Լավրով-Միրզոյան հանդիպումից

Ռուսաստանի արտգործնախարար Սերգեյ Լավրովն ու Հայաստանի արտգործնախարար Արարատ Միրզոյանը քննարկել են հայ-ադրբեջանական հարաբերությունների կարգավորմանն ուղղված ջանքերի ակտիվացումը, հայտնել է Ռուսաստանի արտաքին քաղաքական գերատեսչությունը: Տեղեկատվությունը փոխանցում է ՌԻԱ Նովոստին:

Նյու Դելիում կայացած բանակցություններն անցել են բարեկամական եւ վստահելի մթնոլորտում, նախարարները պայմանավորվել են դիվանագիտական գծով հետագա շփումների մասին, հայտնել Է ՌԴ ԱԳՆ-ն:

«Տեղի է ունեցել մտքերի փոխանակում տարածաշրջանային խնդիրների շուրջ: Հայ-ադրբեջանական հարաբերությունների կարգավորման բոլոր ուղղություններով ջանքերն ակտիվացնելու հրատապությունը ուրվագծվել է Ռուսաստանի, Հայաստանի և Ադրբեջանի ղեկավարների միջև 2020 թվականի նոյեմբերի 9-ի, հունվարի 11-ի, 2021 թվականի նոյեմբերի 26-ի և 2022 թվականի հոկտեմբերի 31-ի պայմանավորվածությունների հիման վրա»,- ասված է նախարարության հաղորդագրությունում։

Բացի այդ, ինչպես նշել են նախարարությունից, նախարարները քննարկել են երկկողմ օրակարգի արդիական հարցեր, ինչպես նաև ստուգել են ընդհանուր ինտեգրացիոն միավորումների շրջանակներում միջազգային հարթակներում համագործակցությունը խթանելու մոտեցումները։