«Դա ամոթ է». Լավրովը` G20-ի վարած քաղաքականության մասին

G20-ի երկրներն իրենց հիմնադրման օրվանից չեն հիշել Իրաքի, Լիբիայի, Աֆղանստանի կամ Հարավսլավիայի իրավիճակը, սակայն այժմ, երբ Ռուսաստանը սկսել է պաշտպանվել, նրանք խոսում են միայն Ուկրաինայի մասին, ասել է Ռուսաստանի արտգործնախարար Սերգեյ Լավրովը։ Տեղեկատվությունը փոխանցում է ՌԻԱ Նովոստին:

«Այսօր, երբ Ռուսաստանը երկար տարիներ անց սկսեց պաշտպանվել, G20-ի համար ոչինչ հետաքրքիր չէ, բացի Ուկրաինայից: Դա ամոթ է», - ասել է Լավրովը Raisina Dialogue ֆորումի ժամանակ: Նա հավելել է, որ ֆորումում խոսել է Ինդոնեզիայի և Հնդկաստանի ներկայացուցիչների հետ և հարցրել նրանց՝ արդյոք G20-ը երբևէ արձագանքե՞լ է Իրաքի, Լիբիայի, Աֆղանստանի կամ Հարավսլավիայի իրավիճակին հայտարարություններում:

«Ոչ ոք նույնիսկ չհիշեց կատարվածը, G20-ը խոսում էր ֆինանսական և մակրոտնտեսական թեմաների մասին, հանուն որոնց ստեղծվել է», - ընդգծել է Լավրովը։