ՌԴ պաշտոնական հաղորդագրությունը` Բրյանսկ ներթափանցած ուկրաինացիների մասին

 Ռուսաստանի դաշնության անվտանգության դաշնային ծառայությունը պաշտոնական հայտարարություն է տարածել Բրյանսկի մարզում տեղի ունեցողի մասին: 

Հաղորդագրությունում մասնավորապես ասվում է, որ Բրյանսկի մարզի սահմանամերձ Կլիմովսկի շրջանում ՌԴ ԱԴԾ-ն և ՌԴ ՊՆ կից ուժերը միջոցներ են ձեռնարկում պետական ​​սահմանը խախտած ուկրաինացի զինված ազգայնականներին ոչնչացնելու համար։

Ինչպես արդեն հայտնել ենք,  Ռուսաստանի Բրյանսկի մարզում «բախումներ են ընթանում ուկրաինացի դիվերսանտների հետ»՝ հայտնում է ՏԱՍՍ-ը՝ հղում անելով իրավապահ մարմիններին։

Ըստ ստացվող տեղեկությունների՝ մոտ 10։00-ին դիվերսանտները մտել են Բրյանսկի շրջանի տարածք, բաժանվել երկու խմբի ու գնացել Սուշանի և Լյուբեչան գյուղերի ուղղությամբ, որտեղ պատանդ են վերցրել տեղի բնակիչներին։ Կա երկու զոհ: 

Նշվում է, որ նախնական տվյալներով սահմանը հատել են 10-20 զինվորական։ Թելեգրամյան այլ աղբյուրներ գրում են մինչև 50 զինվորականի մասին: