Կին վարորդը 2 երեխայի վրաերթի է ենթարկել. մանրամասներ
Ինչպես ավելի վաղ հայտնել էինք, այսօր առավոտյան` 08։30-ի սահմաններում Երևանի բնակիչ 41-ամյա Արմինե Գ․-ն իր վարած Dodge մակնիշի ավտոմեքենայով Ավան վարչական շրջանի Նվեր Սաֆարյան փողոցում հետիոտնային անցման վրա վրաերթի էր ենթարկել 2 երեխաների։
Երեխաները տեղափոխվել էին «Մուրացան» բժշկական կենտրոն:
Аuroranews.am-ը «Մուրացան» համալսարանական հիվանդանոցի մամուլի ծառայությունից տեղեկացավ, որ այսօր բուժկենտրոն են տեղափոխվել 2009 թվականի ծնված Ա. Այվազյանը և 2008 թվականին ծնված Կ. Այվազյանը:
«Ա. Այվազյանն ունեցել է ձախ ծնկահոդի սալջարդ, կապանների գերձգվածություն, իսկ Կ. Այվազյանի մոտ արձանագրվել է աջ սրունք-թաթային հոդի սալջարդ, գերձգվածություն: Բժիշկները տղաների վիճակը գնահատել են բավարար, տրվել են խորհորդներ, ուղարկվել են տուն` հետագա ամբուլատոր հսկողության»,- ասացին «Մուրացան» համալսարանական հիվանդանոցից:
Մեզ հետ կապ հաստատեց Dodge մակնիշի ավտոմեքենայի վարորդի հարազատը և նշեց, որ տեղեկությունը, թե վրաերթը տեղի է ունեցել հետիոտնային անցման վրա, չի համապատասխանում իրականությանը: Ըստ քաղաքացու` երեխաները ճանապարհը փորձել են անցնել չթույլատրված հատվածով:
