Այսօր ՀՀ ԱԺ 8-րդ գումարման 5-րդ նստաշրջանի հերթական նիստի ժամանակ ԱԺ փոխնախագահ Ռուբեն Ռուբինյանն ասաց.

«Հարգելի գործընկերներ, իհարկե, ես չեմ կրկնի նախորդ նստաշրջանում իմ զարմանքն առ այն, որ մասնավորապես «Հայաստան» դաշինքը բոլոր նախագծերին քվեարկում է ձեռնպահ, բայց մի հետաքրքրական բանի վրա Ձեր ուշադրությունը դարձնեմ: «Հայաստան» դաշինքը, որը ՔՊ-ին անընդհատ մեղադրում է աշխարհի բոլոր երկրների հետ, առանց բացառության, հարաբերությունները փչացնելու մեջ, և «Հայաստան» դաշինքը, որը, կարծես թե, կողմ է, մասնավորապես, Չինաստանի և Ռուսաստանի հետ հարաբերությունները խորացնելուն, հենց նոր ձեռնպահ քվեարկեց 2 այս երկրների հետ համապատասխան համաձայնագրերի վավերացման նախագծերի առնչությամբ: Ես չգիտեմ` ինչու իրենք դա արեցին, զուտ ֆիքսենք»:

Ռուբինյանի այս ելույթից հետո ԱԺ նախագահ Ալեն Սիմոնյանը չկարողացավ զսպել ծիծաղը օրենքի նախագիծը ներկայացնելիս:

Մանրամասները` տեսանյութում: