Թուրքիայում փլատակների վերացման աշխատանքներում ներգրավված են եղել 11 հազար օտարերկրյա փրկարար
Թուրքիայի արտգործնախարար Մևլութ Չավուշօղլուն հայտարարել է, որ Թուրքիայում տեղի ունեցած ավերիչ երկրաշարժերից հետո փլատակների վերացման աշխատանքներում անմիջականորեն ներգրավված են եղել 88 երկրների փրկարարներ։
«Ընդհանուր առմամբ մեզ օգնություն է առաջարկել 102 երկիր, որոնցից 88-ի փրկարար ծառայությունների ներկայացուցիչներ անմիջականորեն մասնակցել են մեր երկրում որոնողափրկարարական աշխատանքներին: 23 երկրների մասնագետների թիմերը ավարտել են իրենց առաքելությունը և վերադարձել հայրենիք: Մնացածը շարունակում են աշխատել Թուրքիայում»,- ասել է նա։
Չավուշօղլուն հավելել է, որ հանրապետություն է ժամանել ավելի քան 11000 օտարերկրյա փրկարար, որոնցից 5300-ը դեռ մաքրում են փլատակները։
