Թուրք փրկարարները տան փլատակներից գտել են 2 մլն դոլար

Թուրք փրկարարները որոնողական աշխատանքների ընթացքում երկրաշարժերից ամենաշատը տուժած Գազիանթեփ քաղաքի փլատակներում  հայտնաբերել են մոտ 2 մլն դոլար։ Արտակարգ իրավիճակների ծառայությունները գումարը փոխանցել են տեղի ոստիկանությանը, այդ մասին հայտնում է Anadolu գործակալությունը։ 

Գումարը հայտնաբերվել է, երբ փրկարարները տղամարդու դին հայտնաբերել են Այշե-Մեհմեթ Փոլաթ բնակելի համալիրի փլատակներում:  

«Տղամարդու կողքին եղել է ընդհանուր առմամբ 2 մլն դոլար, գումարը փրկարարները հանձնել են հատուկ ջոկատայիններին։ Մեր տղաները առաջին հերթին կյանքեր են փրկում, բայց թանկարժեք իրերը նույնպես հանձնվում են ոստիկանությանը. սա եզակի դեպք չէ»,- ասել է քաղաքի հրշեջ ծառայության ղեկավար Գաֆեր Յըլմազը։