Իրանում խլել են երկրաշարժից տուժածներին տրամադրված վրանները

Իրանի կառավարությունը խլել է Խոյի երկրաշարժից տուժածներին տրամադրված վրանները և անջատել լույսերը, հայտնում են իրանական ընդդիմադիր լրատվամիջոցները։ Տեղի բնակիչներն ասում են, որ հոսանքազրկումը ստիպում է իրենց լքել վրաններն ու վերադառնալ իրենց վնասված, քանդված տները։

Ավելի վաղ Իրանի ներքին գործերի նախարար Ահմեդ Վահիդին հայտարարել էր, որ երկրաշարժից տուժածների համար կոնտեյներային տներ չեն տրամադրվի։ Այս հայտարարությունից հետո Թավրիզի բժիշկներն իրենց միջոցներով գնել են 40 կոնտեյներներ և նվիրել խոյեցիներին։

Այս պահին Խոյում երկրաշարժից տուժած 130 հազար մարդ ապրում է վրանային ճամբարներում։

[aeba2f7a656c981164d03709a047eb82.PNG]

[5be299dba2013d85fcebf408ef44c124.PNG]