Քահրամանմարաշում ավերված բարձրահարկի կառուցապատողը ձևացել է երկրաշարժից տուժած և փորձել լքել երկիրը

Թուրք իրավապահները ձերբակալել են Հաթայի շրջանում տեղի ունեցած աղետի ժամանակ ավերված բարձրահարկերից մեկի կապալառուին։ Տղամարդը փորձել է փախչել արտերկիր, սակայն այժմ նա պետք է պատիժը կրի ճաղերի հետևում։ Նշվում է, որ տղամարդը արդարադատությունից թաքնվում էր հյուրանոցում՝ ձևանալով, թե նույնպես երկրաշարժի զոհ է։ Այս մասին հայտնում է Cumhuryiet-ը:

Ըստ ԶԼՄ-ների՝ ոստիկանությունը ձերբակալել է Օմեր Ջիհանին Անթալիայի հյուրանոցներից մեկում, որտեղ նա ընտանիքի հետ թաքնվում էր իրավապահներից։ Քննիչների խոսքով՝ Ջիհանին է պատկանում Cihan İnşaat ֆիրման, որը պատասխանատու է Հաթայի շրջանի Քահրամանմարաշ քաղաքի ավերված բնակարանային համալիրներից մեկի կառուցման համար։

Տղամարդը ընտանիքի հետ պատրաստվում էր հեռանալ Թուրքիայից։ Ձերբակալությունից հետո Ջիհանին բերման են ենթարկել, իսկ հաջորդ օրը դատարանը նրան կալանավորել է:

Փետրվարի 12-ին Թուրքիայի փոխնախագահ Ֆուաթ Օքթայը հայտնել է, որ131 մարդու ձերբակալության օրդեր է տրվել: Երկրի արդարադատության նախարարը խոստացել է պատժել բոլոր մեղավորներին:
 

Գրել էինք նաև, որ Թուրքիայում տեղի ունեցած երկրաշարժերի պատճառով իշխանությունները որոշել են քանդել Նուրդաղի քաղաքը, քանի որ այն հնարավոր չէ վերականգնել։