ԱՄՆ զինվորականները Ալյասկայի երկնքում թռչող օբյեկտ են խոցել. Սպիտակ տուն
Ամերիկացի զինվորականներն ԱՄՆ սահմանը հատած և Ալյասկայի երկնքում հայտնված թռչող օբյեկտ են խոցել։
Տեղեկությունը հայտնել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
Նրա խոսքով` սարքի պատկանելությունն ու նպատակը դեռևս անհայտ են։
«Կարող եմ հաստատել, որ պաշտպանության նախարարությունը վերջին 24 ժամվա ընթացքում հետևում էր Ալյասկայի օդային տարածքում գտնվող թռչող օբյեկտին: Օբյեկտը թռչում էր 12 կմ բարձրության վրա և որոշակի վտանգ էր ներկայացնում քաղաքացիական ավիացիայի համար», - ասել է Քիրբին։
Նրա խոսքով՝ օբյեկտը ոչնչացնելու հրաման է տվել ԱՄՆ նախագահ Ջո Բայդենը։
