Առաջին Leopard 2 տանկն արդեն թռչում է Ուկրաինա: 

Տանկն ուղարկել է Կանադան։ Կադրերը հրապարակել է Կանադայի պաշտպանության նախարար Անիտա Անանդը։

Նա հավելել է, որ Օտտավան կշարունակի Կիևին տրամադրել «հիմնական սարքավորումներ»:

Հիշեցնենք, որ Գերմանիայի կառավարության պաշտոնական ներկայացուցիչ Շտեֆեն Հեբեստրեյթը փետրվարի 3-ին հայտարարել է, որ երկրի կառավարությունը համաձայնություն է տվել Leopard 1 տանկեր ուղարկել Ուկրաինա, բայց հրաժարվել է մանրամասներ հայտնել և ասել տանկերի թիվը: Ավելի վաղ Sueddeutsche Zeitung-ը, հղում անելով կառավարական շրջանակների աղբյուրներին, հայտնել էր, որ Բեռլինը նախատեսել է 88 Leopard 1 և 14 Leopard 2 տանկ ուղարկել Ուկրաինա, ինչպես նաև թույլատրել մյուս պետություններին վերարտահանել այդ մեքենաները: