Տեղյակ ենք, թե ինչ ճնշում է Արևմուտքը գործադրում Բելգրադի վրա․ Պեսկով
Կրեմլի խոսնակ Դմիտրի Պեսկովը ճեպազրույցի ժամանակ ասել է, որ Ռուսաստանի իշխանությունները տեղյակ են, թե ինչ ճնշում է Արևմուտքը գործադրում Բելգրադի վրա։
Պեսկովի խոսքով՝ Կրեմլը բարձր է գնահատում Սերբիայի իշխանությունների և նախագահ Ալեքսանդր Վուչիչի դիրքորոշումը։
«Մենք քաջ գիտակցում ենք, թե Արևմուտքն ինչ աննախադեպ ճնշում է գործադրում Սերբիայի ղեկավարության վրա։ Ղեկավարությունը մինչ այժմ կարողացել է դիմակայել այդ ճնշմանը», - ասել է Պեսկովը:
Ավելի վաղ Պեսկովը հայտարարել էր, որ Ռուսաստանը շատ է գնահատում իր հարաբերությունները Սերբիայի հետ։ ՌԴ նախագահի մամուլի քարտուղարն ընդգծել է, որ դրանք ունեն խորը պատմական արմատներ, և ապագայի համար շատ մեծ հեռանկարներ։
Մինչ այս Վուչիչը հայտարարել էր, որ Սերբիան չի անդամակցի ՆԱՏՕ-ին և կպահպանի իր դիրքորոշումը ռազմական չեզոքության հարցում։
