Ի՞նչ խախտում է արել Հակոբկոխյանի որդին. ֆեդերացիայի նախագահը պարզաբանում է
Բռնցքամարտի աշխարհի նախկին չեմպիոն Իսրայել Հակոբկոխյանի որդին՝ Հարություն Հակոբկոխյանը որակազրկվել է Եվրոպական բռնցքամարտի ֆեդերացիայի կողմից։
«Խախտելով միջազգային ֆեդերացիայի կանոնադրությունը՝ մեկնում են տարբեր մրցավայրեր՝ Մեքսիկա, ֆինլանդիա, Լատվիա, Լեհաստան՝ ուրիշ ֆեդերացիների անունով ու ուզում մասնակցեն օրինական մրցաշարերին»,- լրագրողների հետ զրույցում պարզաբանել է Հայաստանի բռնցքամարտի ֆեդերացիայի նախագահ Հովհաննես Հովսեփյանը՝ նշելով, որ միջազգային կազմակերպությունից արդեն 4-5 նամակ են ստացել, որով բացատրություն են պահանջել։
Նրա փոխանցմամբ՝ Հակոբկոխյանի որդին միակը չէ, մի քանի այլ մարզիկներ եւս նման քայլի են դիմել, սակայն հետագայում գիտակցել սխալն ու ներողություն խնդրել, սակայն Հարություն Հակոբկոխյանը նման մտադրություն չունի։
Նկատենք, որ մեկնարկած Հայաստանի առաջնության ժամանակ առաջինը մրցահարթակ է դուրս եկել նախկին չեմպիոն Իսրայել Հակոբկոխյանը՝ նշելով, որ բողոքի ակցիա է անում ի պաշտպանություն իր որդու, որին թույլ են տվել մասնակցել Հայաստանի առաջնությանը։
«Իրենց կարծիքով իրենք պետք է թույլ տան, որ իմ տղան Հայաստանի դրոշի տակ հանդես գա, բայց իրենց կարծիքը շատ քիչ է»,- հայտարարել է ավագ Հակոբկոխյանը։
Սակայն, ինչպես հետագայում պարզաբանեց Հովհաննես Հարությունյանը, նախկին չեմպիոնի որդին որակազրկվել է Եվրոպական բռնցքամարտի ֆեդերացիայի կողմից։
