Սաակաշվիլին շարունակում է համաշխարհային հանրության հետաքրքրությունը առաջացնել իր անձի նկատմամբ։ Վրաստանի նախկին նախագահը հրաժարվել է տեղի բժիշկների ծառայություններից և սննդից։ «Vivamed» կլինիկայի տնօրեն Զուրաբ Չխաիձեի խոսքով՝ քաղաքական գործչի որոշումը կարող է ճակատագրական լինել նրա համար։

«Վերջին օրերին նա կրճատել է սննդի ընդունումը: Սաակաշվիլիի առողջական վիճակը վատթարանում է: Նա արդեն 69 կիլոգրամ է կշռում: Եթե մայրը չհամոզի իր որդուն հրաժարվել արկածախնդրությունից, արդյունքը կարող է ճակատագրական լինել», -Չխաիձեի խոսքերն է մեջբերում «Ինտերֆաքս»-ը:

Քաղաքական գործչի մայրը վստահ է, որ որդուն թունավորել են սնդիկով: Ենթադրվում է, որ պետության նախկին ղեկավարի մարմնում ծանր մետաղներ են հայտնաբերվել։ Ընդ որում, միայն արտասահմանում կարող են փրկել նախկին նախագահի կյանքը։