Ես կկապեի նրան և կթողնեի մարզաբազայում մինչև աշխարհի հաջորդ առաջնություն. Ռոմերոն՝ Մեսսիի մասին
Անգլիական «Տոտենհեմի» և Արգենտինայի հավաքականի պաշտպան Քրիստիան Ռոմերոն հույս ունի, որ Լիոնել Մեսսին կշարունակի հանդես գալ Արգենտինայի հավաքականում։
«Լեոն աշխարհի լավագույն խաղացողն է։ Կմնա հավաքականում, թե կհեռանա, դա նրա անձնական որոշումը կլինի: Եթե ինձ հարցնեք, ես կցանկանայի, որ նա շարունակեր հանդես գալ ազգային հավաքականում։ Ես կկապեի նրան և կթողնեի մարզաբազայում մինչև աշխարհի հաջորդ առաջնություն։ Նա շատ կարևոր է թիմի համար, նա մեր ավագն է և մարդ, որն ամեն օր ինչ-որ բան է սովորեցնում։ Մեսսին առաջատարն է, առանց նրա ամեն ինչ այլ կերպ կլիներ»,- Ռոմերոյի խոսքերն է մեջբերում ESPN-ը։
Հիշեցնենք, որ Մեսսին Արգենտինայի հավաքականի կազմում դարձել է 2022 թվականին Կատարում անցկացված աշխարհի առաջնության չեմպիոն։
