Պեսկովը՝ ԱՄՆ-ի կողմից պատժամիջոցների թուլացման պայմանների մասին
Կրեմլը ոչ մի նոր բան չի տեսնում ԱՄՆ պետքարտուղարի տեղակալ Վիկտորյա Նուլանդի պատժամիջոցների թուլացման պայմանների մասին հայտարարություններում, հակամարտության կարգավորման դիվանագիտական տարբերակները դեռ տեսանելի չեն։ Այս մասին ասել է ՌԴ նախագահի մամուլի խոսնակ Դմիտրի Պեսկովը։
Նուլանդը, հինգշաբթի ելույթ ունենալով ԱՄՆ Սենատում, ասել է, որ Վաշինգտոնը պատրաստ է թուլացնել Մոսկվայի դեմ պատժամիջոցները՝ հանուն Ուկրաինայի վերաբերյալ լուրջ բանակցությունների և այնտեղից ռուսական զորքերի դուրսբերման։
«Ոչ, տիկին Նուլանդի խոսքերով դեռ ոչինչ չի երևում: Մենք ամենևին հակված չենք դրանց նշանակությունն ուռճացնելուն, ոչ մի նոր բան չի ասվել», - ասել է Պեսկովը՝ պատասխանելով հարցին, թե կարելի՞ է այս խոսքերը համարել շարժում դեպի հակամարտության բանակցային գործընթաց։
Պեսկովը նաեւ ասել է, որ Ռուսաստանի մասին ԱՄՆ պետքարտուղարի տեղակալ Վիկտորյա Նուլանդի հայտարարությունները վկայում են Վաշինգտոնի մանևրային և ճկուն գործողությունների բացակայության մասին։
«Գործնականում կրկնվեց մի շարք թեզեր, որոնք վկայում են ԱՄՆ-ի դիրքորոշումը մանևրելու և ճկունության բացակայության մասին, որն իր հերթին տրամագծորեն հակառակ է մեր դիրքորոշմանը»,- ասել է Պեսկովը՝ պատասխանելով հարցին, թե կարելի՞ է Նուլանդի հայտարարությունները համարել քայլ դեպի բանակցային գործընթաց։