Նոր մանրամասներ` Հրազդանի թիվ 11 դպրոցում անհայտ գազի օգտագործման, տուժած երեխաների մասին

 Ինչպես արդեն հայտնել ենք` Հրազդանի թիվ 11 դպրոցում աշակերտներից մեկի կողմից անհայտ գազ օգտագործելու հետևանքով Հրազդանի բժշկական կենտրոն է տեղափոխվել 9-14 տարեկան 12 երեխա: Երեխաները տեղափոխվել են Հրազդանի ԲԿ-ի անհետաձգելի բուժօգնության բաժանմունք։ Հաղորդվել էր, որ տուժածներից 4-ն արդեն տուն են գնացել։

Auroranews.am-ը կապ հաստատեց Կոտայքի մարզպետարանրի տեղեկատվության և հասարակայնության հետ կապերի բաժնի պետ Ինգա Հայրիյանի հետ` կատարվածի մասին ամբողջական տեղեկություն ստանալու համար:

Նա մեզ հետ զրույցում ասաց` դեպքն այսօր է տեղի ունեցել:

«Այսօր ժամը 11-ի հատվածում Հրազդանի ԲԿ-ն ահազանգ է ստացել Հրազդանի թիվ 11 դպրոցից: Ինչպես նախարարություն է նշել` անհայտ գազի օգտագործման արդյունքում ԲԿ են տեղափոխվել 9-14 տարեկան 12 երեխա: ԲԿ-ն անմիջապես դեպքի մասին տեղեկացրել է և Ոստիկանությանը և ԱԻՆ-ին: 

Երեխաների վիճակը այս պահին գնահատվում է բավարար, 4 դուրս են գրվել, որևէ մեկի կյանքին վտանգ չի սպառնում: Ինչպես ոստիկանության, այնպես ել մարզպետարանի կողմից  ուսումնասիրություններ են անցկացվում: Թե ինչպես է դեպքը տեղի ունեցել` դեռ հայտնի չէ, չենք կարող ասել»:

Ինգա Հայրիյանը նաև նշեց որ դպրոցը հիրմնական դպրոց է. «Ենթադրում եմ բարձր դասարանում է եղել, քանի որ նշվում է` տուժած երեխաները եղել են 9-14 տարեկան»:

Auroranews.am-ը մշտապես կապի մեջ կլինի կոմպետենտ անձանց հետ` նոր մանրամասների ի հայտ գալուն պես Ձեզ անմիջապես հաղորդելու համար: