Meta-ն որոշել է ապաարգելափակել ԱՄՆ նախկին նախագահ Դոնալդ Թրամփի Instagram-ի և Facebook-ի հաշիվները՝ հարթակի կանոնները խախտելու համար երկամյա արգելքից հետո, հայտնում է Bloomberg-ը։ Մոտ ապագայում Թրամփին հասանելիություն կտրվի` հրապարակումներ կատարելու։ Սակայն ընկերությունը նոր կանոններ կներդնի «խախտումների կրկնությունը կանխելու համար։ 

Հիշեցնենք, որ Թրամփը կորցրել է իր հաշիվների հասանելիությունը 2 տարի առաջ, քանի որ Կապիտոլիումի գրոհից հետո սոցիալական ցանցերում նրա հրապարակումները համարվում էին անկարգությունների կոչեր։