Վրաստանից ավտոմեքենաներ արտահանող 2-րդ երկիրը Հայաստանն է
2022 թվականի տվյալներով` Վրաստանից արտահանվող ապրանքախմբերում մարդատար ավտոմեքենաները երկրորդ տեղում են, իսկ ներմուծվող ապրանքախմբերում՝ առաջին տեղում, հայտնում է Aliq.ge-ն` վկայակոչելով BusinessPressNews-ին:
2022 թվականին Վրաստանում վաճառվել է 903,8 մլն դոլարի ավտոմեքենա, երկիր է ներկրվել 1,6 մլրդ դոլարի ավտոմեքենա, իսկ 2021 թվականին Վրաստան է ներմուծվել 935,4 մլն դոլարի ավտոմեքենա:
2021 թվականի համեմատ, 2022 թվականին արտահանումն աճել է 98 տոկոսով, իսկ ներմուծումը՝ 73,1 տոկոսով:
2022 թվականին Վրաստանից ամենաշատը մեքենաներ են արտահանվել հետևյալ երկրներ.
- Ադրբեջան՝ 308,4 մլն դոլար,
- Հայաստան՝ 144,7 մլն դոլար,
- Ուկրաինա՝ 119,8 մլն դոլար,
- Ղազախստան՝ 104,4 մլն դոլար,
- Ռուսաստան՝ 75,6 մլն դոլար:
Ըստ կայքի տվյալների` Վրաստանն իր հերթին մեքենաներ է ներմուծել Ամերիկայի Միացյալ Նահանգներից, Ճապոնիայից, Գերմանիայից, Թուրքիայից, Կորեայից: