Հասարակություն

Սաուդյան Արաբիան պատրաստ չէ Թեհրանի հետ հարաբերությունների կարգավորմանը. Իրանի ԱԳ նախարար

Սաուդյան Արաբիան պատրաստ չէ Թեհրանի հետ հարաբերությունների կարգավորմանը. Իրանի ԱԳ նախարար
Իրանի արտգործնախարար Հոսեյն Ամիր Աբդոլլահիանը հայտարարել է, որ Թեհրանը վճռական է տրամադրված՝ վերականգնելու հարաբերությունները Սաուդյան Արաբիայի հետ, բայց, կարծես, Էր Ռիադը պատրաստ չէ դրան, հաղորդում…

Իրանի արտգործնախարար Հոսեյն Ամիր Աբդոլլահիանը հայտարարել է, որ Թեհրանը վճռական է տրամադրված՝ վերականգնելու հարաբերությունները Սաուդյան Արաբիայի հետ, բայց, կարծես, Էր Ռիադը պատրաստ չէ դրան, հաղորդում է Mehr-ը:

 

«Սաուդյան Արաբիան դեռ պատրաստ չէ վերադառնալ նորմալ հարաբերությունների։ Մենք ունենք կամք՝ Սաուդյան Արաբիայի հետ հարաբերությունները կարգավորելու համար։ Եթե Սաուդյան Արաբիայի կողմից նման մտադրություն նկատվ, հարաբերությունների կարգավորումն արագ եւ հասանելի կլինի»,-ասել է նա։

 

Նրա խոսքով՝ Իրանն ու Սաուդյան Արաբիան կարեւոր եւ դրական բանակցությունների հինգ փուլ են անցկացրել Իրաքի մայրաքաղաք Բաղդադում, եւ երկու երկրների արտգործնախարարները կարծում են, որ բանակցությունները պետք է շարունակվեն։

 

Որպես առաջին քայլ, ինչպես նշել է Իրանի ԱԳ նախարարը, Իրանի Մեշհեդ քաղաքում եւ Սաուդյան Արաբիայի Ջիդդա քաղաքում երկու կողմերի գլխավոր հյուպատոսությունները պետք է վերաբացվեն։

 

Իրանցի բարձրաստիճան դիվանագետը մատնանշել է դեկտեմբերին Ամմանում սաուդցի գործընկերոջ հետ իր կարճատեւ բանակցությունները եւ նշել, որ երկու կողմերն էլ ընդգծել են, որ Թեհրանի եւ Էր Ռիադի միջեւ հարաբերությունների վերականգնումը դրական ազդեցություն կունենա երկու երկրների եւ ամբողջ տարածաշրջանի վրա:

 

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7395) Միջազգային (3236) ԱՄՆ (2283) Ռուսաստան (2094) Իրան (1735) Ընտրություններ (1272) Ուկրաինա (822) Երևան (797) Իսրայել (759) Ադրբեջան (619) Փաշինյան (559) Եվրոպա (510) Ընդդիմություն (437) Թրամփ (429) Ազգային ժողով (408)

Radio Aurora

Լսել Radio Aurora

Գովազդային տարածք

300x250