Մահացել է Էլվիս Փրեսլիի միակ դուստրը
55 տարեկանում մահացել է ռոքնռոլի արքա Էլվիս Փրեսլիի դուստր Լիզա Մարի Փրեսլին, հայտնում է People-ը՝ հղում անելով մորը՝ Պրիսցիլա Փրեսլիին։
Հունվարի 12-ին նա հոսպիտալացվել էր սրտի կանգի պատճառով։
«Ծանր սրտով պետք է ձեզ հետ կիսվեմ այն սարսափելի լուրով, որ իմ գեղեցկուհի դուստր Լիզա-Մարին լքել է մեզ»,- ասել է նրա մայրը։
Պրիսցիլա Փրեսլին դստերն անվանել է ամենակրքոտ, ուժեղ և սիրող կին։
Իր մահից երկու օր առաջ Լիզա Մարին և նրա մայրը ներկա էին «Ոսկե գլոբուս» մրցանակաբաշխությանը, որտեղ Օսթին Բաթլերը ճանաչվեց դրամատիկ ֆիլմի լավագույն դերասան՝ «Էլվիս»-ում երգչուհու հոր դերի համար։
Հունվարի 13-ի գիշերը Լիզա Մարին հոսպիտալացվել է սրտի կանգից հետո։ Ըստ TMZ-ի, բժիշկները Փրեսլիին արհեստական կոմայի մեջ են գցել:
Լիզա Մարին ծնվել է 1968 թվականի փետրվարի 1-ին, նա ռոքնռոլի արքա Էլվիս Փրեսլիի միակ դուստրն է։ Հայտնի է որպես սեփական երգերի կատարող։ Փրեսլին ամուսնացած է եղել երաժիշտ Դենի Կիոգի, երգիչ Մայքլ Ջեքսոնի, դերասան Նիկոլաս Քեյջի և երաժշտական պրոդյուսեր Մայքլ Լոքվուդի հետ։
