Առայժմ որոշում չկա, թե որ ընկերություններն են մասնակցելու Հայաստանի եւ Թուրքիայի միջեւ օդային բեռնափոխադրումներին։ Այս մասին այսօր՝ հունվարի 11-ին, ԱԺ տնտեսական հարցերի մշտական հանձնաժողովի նիստում «Ավիացիայի մասին» օրենքում լրացումներ կատարելու մասին օրինագծի քննարկման ժամանակ ասաց տարածքային կառավարման եւ ենթակառուցվածքների փոխնախարար Արմեն Սիմոնյանը՝ պատասխանելով «Քաղաքացիական պայմանագիր» խմբակցության պատգամավոր Սիսակ Գաբրիելյանի հարցին։ 

Նրա խոսքով՝ թռիչքները, ամենայն հավանականությամբ, կիրականացվեն պարիտետային հիմունքներով։ Այնուամենայնիվ, դեռեւս պարզ չէ, թե ինչպես են կազմակերպվելու այդ փոխադրումները եւ որ ընկերություններն են անմիջականորեն մասնակցելու դրանց, ընդ որում, յուրաքանչյուր կողմից։ «Այնուամենայնիվ, երբ մենք հստակ պատկեր ստանանք, կկարողանանք միանգամից մի քանի տարբերակ քննարկել»,-ասաց Սիմոնյանը։