Պերուում բողոքի ցույցերի նոր ալիքի հետևանքով առնվազն 12 մարդ է զոհվել. կան տուժածներ
Առնվազն 12 մարդ է զոհվել, 38-ը՝ վիրավորվել Պերուի Հուլյակա քաղաքում հակակառավարական ցույցերի ժամանակ։ Այս մասին հայտնել է Սան Ռոման նահանգի առողջապահական համակարգը, որի վարչական կենտրոնն այս բնակավայրն է, գրում է ТАСС-ը։
Մահացածների ցուցակում, որը հրապարակվել է առողջապահության համակարգի ֆեյսբուքյան էջում, ընդգրկված է 12 մարդ, այդ թվում՝ մեկ անչափահաս։
Հունվարի 6-ին Հուլյակայի օդանավակայանի մոտ բախումներ են սկսվել ցուցարարների և ոստիկանների միջև: Ցուցարարները պահանջում են նախագահ Դինա Բոլուարտեի հրաժարականը և պետության ղեկավարի նոր ընտրություններ։
