Մադրիդի «Ատլետիկոյի» պաշտպան Ստեֆան Սավիչը և «Բարսելոնայի» կիսապաշտպան Ֆերան Տորեսը կարող են երկարաժամկետ որակազրկվել Իսպանիայի առաջնության 16-րդ տուրի հանդիպման ժամանակ տեղի ունեցած վիճաբանության համար, հայտնում է Sport.es-ը։

Հիշեցնենք, որ խաղի ժամանակ երկու խաղացողները կռվել են միմյանց հետ: Դրանից հետո մրցավարը խաղացողներին կարմիր քարտ է ցույց տվել։ Հատուկ հանձնաժողովը նրանց գործողությունները համարում է հարձակում, որի  պատիժը կարող է լինել չորսից տասներկու խաղից զրկվելը։ 

Հանդիպումն ավարտվել է Բարսելոնայի հաղթանակով՝ 1-0 հաշվով։

16-րդ տուրի արդյունքներով «Բարսելոնան» վաստակեց 41 միավոր և դարձավ Իսպանիայի առաջնության միանձնյա առաջատարը՝ մրցաշարային աղյուսակում գերազանցելով Մադրիդի «Ռեալին» (38): 

«Ատլետիկոն» իր հերթին 27 միավորով վեցերորդ տեղում է։