Ղարաբաղում և Լիբիայում թուրքական անօդաչու թռչող սարքերի հաջողությունը փոխում է աշխարհում պատերազմի կանոնները․ Էրդողան

Թուրքական անօդաչու թռչող սարքերը իրենց գրանցած հաջողությամբ փոխում են պատերազմի կանոններն ամբողջ աշխարհում՝ սկսած Ղարաբաղից մինչև Լիբիա, հակաահաբեկչությունից մինչև հատուկ գործողություններ:

APA-ի Ստամբուլի թղթակիցը հայտնում է, որ այս մասին Թուրքիայի նախագահ Ռեջեփ Թայիփ Էրդողանը հայտարարել է հայրենական թուրքական նոր սերնդի առաջին «Fırtına» հաուբիցի շնորհանդեսի ժամանակ։

Նա նշել է, որ ներկայացված «Fırtına»-ն ու անօդաչու թռչող սարքերը մղձավանջ են դարձել ահաբեկիչների համար։

«Սիրիայում մեր գործողությունների ընթացքում մենք տեսանք, թե որքան կարևոր են դրանք: 2023 թվականը կլինի հագեցած և կարևոր տարի»,- ասել է նա։