Հրապարկվել է Ուկրաինային ռազմական օգնության նոր՝ 3 միլիարդ դոլարի փաթեթը

Սպիտակ տունը, ինչպես և սպասվում էր, հայտարարեց Կիևի համար նախատեսված ռազմական օգնության նոր փաթեթի մասին։ 

Այն ներառում է 225 մլն դոլար՝ Ուկրաինայի զինված ուժերի ռազմական ներուժի երկարաժամկետ ամրապնդման և արդիականացման համար։ 682 միլիոն դոլար էլ կուղարկվի ՆԱՏՕ-ի արևելյան թևի ամերիկացի դաշնակիցներին՝ զենք գնելու համար։ Ռազմական օգնության ընդհանուր ծավալը կկազմի ռեկորդային 3 մլրդ դոլար։

Այս մասին հայտարարել է Սպիտակ տան մամուլի քարտուղար Կարինե Ժան-Պիեռը: Նա նշել է, որ 3 միլիարդ դոլարի միջոցները կտրամադրվեն անմիջապես Պենտագոնի պահուստներից։ 

Ներկայացնում ենք նաեւ ռազմական տեխնիկայի եւ զինատեսակների ցանկը. 

– HIMARS կայանքների լրացուցիչ քանակ

– 50 Bradley հետևակի մարտական ​​մեքենաներ հակատանկային հրթիռներով և արկերով

– 100 հատ M113 զրահափոխադրիչներ

– 55 MRAP թեթև զրահամեքենա

– 138 HMMWV ամենագնաց

– 18 ինքնագնաց հաուբից

– 105 մմ տրամաչափի 36 հաուբից

Զինամթերք

– 155 մմ տրամաչափի 70 հազար արկ

– 155 մմ տրամաչափի 500 բարձր ճշգրտության արկ

– 105 մմ տրամաչափի 95 հազար արկ

– հրթիռներ HIMARS-ի համար

– ականանետների 10 հազար ական

– Sea Sparrow զենիթային հրթիռներ

– 4000 ավիացիոն հրթիռ

– մոտ 2000 հակատանկային հրթիռ (բացի նրանցից, որոնք կցված են Բրեդլիի արձակող սարքերին),

ինչպես նաև դիպուկահար հրացաններ, ականներ, գիշերային տեսողության սարքեր և այլն: