Ռիգայում ձերբակալել են Sputnik Լիտվայի գլխավոր խմբագիր Մարատ Քասեմին
Ռիգայում ձերբակալվել է Sputnik Լիտվայի գլխավոր խմբագիր Մարատ Քասեմը: Այս մասին հայտնում է Kp.ru-ն:
Քասեմը ձերբակալվել է Լատվիայի հատուկ ծառայությունների կողմից, նա կասկածվում է պատժամիջոցները խախտելու և լրտեսության մեջ:
«Sputnik Լիտվայի գլխավոր խմբագիր Մարատ Կասեմին Լատվիայի հատուկ ծառայությունները ձերբակալել են Ռիգայում... դատարանը որոշել է խափանման միջոց ընտրել կալանքի տեսքով... լրագրողին տեղափոխել են Ռիգայի Կենտրոնական բանտ»,- նշվում է հաղորդագրության մեջ։
ՌԴ ԱԳՆ պաշտոնական ներկայացուցիչ Մարիա Զախարովան իր Telegram ալիքում արձագանքել է Քասեմի ձերբակալությանն ու կալանավորմանը։
«Վեց ամիս առաջ Մարատ Քասեմը պատմել է, թե ինչպես են իրեն հետապնդում Բալթյան իշխանությունների կողմից իր մասնագիտական գործունեության համար։ Այժմ նա կալանքի տակ է։ Սա բռնապետական ռեժիմների վրեժն է... իր ճշմարտության համար...»,- գրել է դիվանագետը։
Ավելի վաղ հաղորդվել էր, որ Sputnik Լիտվայի գլխավոր խմբագիրը ձերբակալվել է Վիլնյուսի օդանավակայանում։ Սահմանապահները հայտնել են, որ Մարատ Քասեմը սպառնում է երկրի ազգային անվտանգությանը։
