Ինչու են Ուկրաինային աջակցում, իսկ Արցախի մասին լռում. Ալեքսանդր Լապշինը` Արցախի շուրջ ստեղծված իրավիճակի մասին
Ռուս - հրեա բլոգեր Ալեքսանդր Լապշինը ֆեյսբուքյան իր էջում անդրադարձել է Արցախի շուրջ ստեղծված իրավիճակին և հայերի ու Հայաստանի կողմից ձեռնարկված գործողություններին:
«Հայերը դժգոհում են, որ աշխարհը թքած ունի Արցախի վրա, միջազգային լրատվամիջոցները դրա մասին չեն գրում, իսկ Եվրոպայի ու ԱՄՆ-ի քաղաքական գործիչները դա սահմանափակում են դատարկ բանաձեւերով։ Ճիշտ է, բայց գիտե՞ք ինչու։ Դուք եք մեղավոր, որ ձեզ ոչ ոք լուրջ չի ընդունում։ Ես ձեզ կոնկրետ օրինակ բերեմ. հայ քաղաքական գործիչներին ու դիվանագետներին եվրոպական և իսրայելական ԶԼՄ-ների հետ կապելու իմ բոլոր փորձերն ավարտվեցին անհաջողությամբ, քանի որ հայերը չշփվեցին լրագրողների հետ, ուշացան պայմանավորված հանդիպումներից, կամ պարզապես չպատասխանեցին լրագրողների և հասարակական գործիչների զանգերին ու նամակներին։ . Նման մեկնաբանություններ լսել եմ Հայաստանի բազմաթիվ օտարազգի ընկերներից։ Կատարյալ անպատասխանատվություն և ինֆանտիլիզմ այն օրերին, երբ 120 հազար համաքաղաքացիներ շրջափակման մեջ են:
Մյուս կողմից՝ ողջ ֆեյսբուքը լի է ցավալի գրառումներով, որ բոլոր լրատվամիջոցները գրում են միայն Ուկրաինայի մասին, բայց մոռացել են Արցախի մասին։ Բայց ուկրաինացիները շատ ուժեղ են թե՛ դիվանագիտական, թե՛ տեղեկատվական հարթություններում։ Եթե ուկրաինացիներին չեն պատասխանում, նորից ու նորից հիշեցնում են իրենց մասին, գոռում են, ամաչեցնում են Եվրոպային ու Ամերիկային ոչ բավարար աջակցության համար։ Նրանք չեն նստում բազմոցին ու դժգոհում, որ իրենց չեն սիրում։ Ի՞նչ եք կարծում, նրանց աջակցում են ուկրաինացի ժողովրդի հանդեպ սիրո՞ համար: Նրանք բոլորն էլ թքած ունեն Ուկրաինայի վրա, ինչպես Արցախի ու Հայաստանի, Սուդանի, Սիրիայի կամ Պակիստանի քրիստոնյաների վրա։ Բայց ուկրաինացիները գիտեն՝ ինչպես գրագետ ներկայանալ ու ստիպել նրանց անել այն, ինչ իրենց պետք է, իսկ դուք չգիտեք, թե ինչպես: Այնպես որ ողջ աշխարհին մեղադրելու բան չկա, պետք է ձեր ճակատագիրը վերցնեք ձեր ձեռքն ու գործեք։
P.S Հարցերից առաջ՝ այո, ես Մոսադի գործակալ եմ, ԱԴԾ գեներալ, Ջեյմս Լապշին 007, Կոնգոյի հատուկ ծառայությունների գործակալ և Մոլդովայի հետախուզության գնդապետ»,- գրել է նա:
