ՏԵՍԱՆՅՈՒԹ. «Երկհարկանի» վթար. Չինաստանում իրար են բախվել 200 ավտոմեքենաներ
Չինաստանի կենտրոնական Հենան նահանգի Չժենչժոու քաղաքում թանձր մառախուղի պատճառով բախվել են ավելի քան 200 ավտոմեքենաներ, հայտնում է Չինաստանի կենտրոնական հեռուստատեսությունը։
Միջադեպը տեղի է ունեցել այսօր առավոտյան ժամը 7:40-ին երկկողմանի ճանապարհային կամրջի վրա:
Դեպքի վայրում աշխատող փրկարարներից մեկը հայտնել է, որ վթարին, ըստ նախնական հաշվարկների, ներգրավվել է ավելի քան 200 մեքենա:
Այս պահին խոշոր վթարի հետևանքները վերացնում են 11 հրշեջ մեքենա և 66 փրկարար։
