ՌԴ-ն ու Թուրքիան արդեն սկսել են աշխատել գազային հանգույց ստեղծելու նախագծի վրա

Ռուսաստանն ու Թուրքիան արդեն սկսել են աշխատել Թուրքիայում գազային հանգույց ստեղծելու նախագծի իրագործման վրա,  ասել է «Գազպրոմի» գործադիր տնօրեն Ալեքսեյ Միլլերը, փոխանցում է ՏԱՍՍ-ը։

Նա նշել է, որ ռուսական ծովային «Թուրքական հոսք» և «Կապույտ հոսք» գազատարներն այժմ վստահ աշխատում են։

«Այժմ Թուրքիան և մենք սկսել ենք աշխատել այս երկրում գազային հանգույցի նախագծի վրա: Այս որոշումն ընդունվել է երկու պետությունների ղեկավարների մակարդակով, և մենք արդեն սկսել ենք դրա գործնական իրականացումը»,- ասել է «Գազպրոմի» ղեկավարը։

Միլերը վստահեցրել է, որ գազային հանգույցը բնական գազի շուկայում կապահովի թափանցիկ և արդար գնագոյացում։