Չինաստանի ակտիվության աճի պատճառով Ավստրալիան ցանկանում է նոր հրթիռային համակարգ տեղադրել

Ավստրալիայի կառավարությունը դիտարկում է նոր հրթիռային համակարգի կառուցում երկրի հյուսիսում գտնվող շրջանները պաշտպանելու համար,Ասիա-խաղաղօվկիանոսյան տարածաշրջանում չինական ակտիվության պատճառով, այս մասին հայտնում է Australian տեղական թերթը՝ հղում անելով իրենց պաշտպանության նախարարությանը։

 

« Կառավարությունը դիտարկում է ձեռք բերել նոր հրթիռային համակարգ, որը կարող է պաշտպանել երկրի հյուսիսի մեծ մասը թշնամու նավերից», - գրում է թերթը։

 

Կառավարությունը, ի թիվս այլ հարցերի, դիտարկում է ավստրալական StrikeMaster համակարգը։ Այն ներառում է 250 կիլոմետր հեռահարությամբ ծովային հարվածային հրթիռ և Bushmaster զրահափոխադրիչներ։

Հրթիռային համակարգը պոտենցիալ կերպով կարող է հետ պահել չինական նավերին, որոնք ուղի են ընտրել Թիմոր և Արաֆուրա ծովերով և Տորեսի նեղուցով:

 

Տեղական լրատվամիջոցների հաղորդմամբ՝ այս նախաձեռնությունը լրացնում է Ավստրալիայի պաշտպանության նախարար Ռիչարդ Մարլզի՝ երկրի ուժերն ուժեղացնելու ձգտումները։

«Մենք պետք է ներդնենք այն կարողությունները, որոնք մեզ հնարավորություն կտան թիրախավորել պոտենցիալ թշնամիների ուժերը», - ասել է Մարլը նոյեմբերին ունեցած ելույթում։

 

Մեկ տարի առաջ ԱՄՆ-ը, Մեծ Բրիտանիան և Ավստրալիան հայտարարեցին AUKUS եռակողմ պաշտպանական գործընկերության մասին, որի նպատակն է հակազդել Հնդկ-Խաղաղօվկիանոսյան տարածաշրջանի անվտանգության հնարավոր սպառնալիքներին: Սակայն վերջին շրջանում դաշինքի անդամների գործողությունները վկայում են տարածաշրջանում ուժերի ռազմավարական և քաղաքական դասավորվածությունը փոխելու ցանկության մասին։ Հուլիսի վերջին հաղորդվել էր, որ Բրիտանիան սուզանավերի նավատորմ կուղարկի Ավստրալիա՝ որպես Չինաստանին զսպող գործոն: Նշվել է, որ բրիտանական սուզանավերը կտեղակայվեն Պերտում՝ Ավստրալիայի արևմտյան ափին մինչև 2040 թվականը։

 

Ռուսաստանը բազմիցս անհանգստություն է հայտնել Ասիա-խաղաղօվկիանոսյան տարածաշրջանում իրերի վիճակի վերաբերյալ՝ կապված այն բանի հետ, որ Միացյալ Նահանգները և նրա դաշնակիցները փոխգործակցության ձևեր են ներմուծում, որոնք ուղղված են այլ երկրներին, մասնավորապես՝ Չինաստանին զսպելուն:

Քաղաքականություն

Պատահարներ