Պուտինը` գազի և նավթի գների առաստաղի մասին

Ռուսաստանի նախագահ Վլադիմիր Պուտինը վստահություն է հայտնել, որ գազի գնի առաստաղի սահմանումը ոչ մի լավ բանով չի ավարտվի։

«Սա նույն օպերայից է, դարձյալ գները ադմինիստրատիվ կարգավորելու փորձ, ոչ մի լավ բանի չի բերի ո՛չ գազի, ո՛չ նավթի ոլորտում», - ասել է Պուտինը դեկտեմբերի 22-ին մամուլի ասուլիսի ժամանակ՝ պատասխանելով լրագրողների հարցին։ 

Ինչ վերաբերում է նավթի գնի առաստաղի սահմանմանը, ապա Պետխորհրդի նիստի ավարտին ՌԴ նախագահ Վլադիմիր Պուտինը հայտարարել է, որ Ռուսաստանը ոչինչ չունի կորցնելու ԵՄ-ի կողմից նավթի գների առաստաղից:
 

«Ռուսական տնտեսությանը տեսանելի վնաս չկա: Մենք վաճառում ենք մոտավորապես այն գներով, որոնք սահմանված են առաստաղում»,- պարզաբանել է նա։

Ինչպես ընդգծել է Պուտինը, երկուշաբթի կամ երեքշաբթի նա հրամանագիր կստորագրի ԵՄ-ի գործողությունների դեմ պատասխան միջոցների մասին։

«Բայց բանն այլ է. նրանք փորձում են նոր գործիքներ մտցնել համաշխարհային էներգետիկ սեկտոր։ Սպառողը փորձում է նման կարգավորում մտցնել ողջ աշխարհի պրակտիկայում»,- նշել է նախագահը։

Որպես ռուսական նավթի գների ներմուծման հետևանքների օրինակ՝ պետության ղեկավարը բերել է ավտոմեքենա գնելու անալոգիան։

«Պատկերացրեք՝ գալիս եք «Մերսեդես» գնելու և ասում, որ հինգ ռուբլով եք գնելու, ոչ ավելին։ Լավ, լավ, դուք կգնեք երկու-երեք մեքենա, իսկ հետո Mercedes-ը կփակվի, քանի որ ներդրումներ չեն լինի»,- հավելել է ՌԴ նախագահը։

Պետության ղեկավարը եզրակացրել է, որ նավթի գնի առաստաղի ներդրումը դարձել է համաշխարհային էներգետիկայի ոչնչացման ճանապարհ։ Արդյունաբերությունը թերներդրված կլինի, վառելիք չի լինի, իսկ հետո ռեսուրսների գները կբարձրանան: